Tajvani nuk është Ukrainë dhe gjithnjë ka qenë pjesë e patjetërsueshme e Kinës – tha ministria e jashtme kineze ndërsa presidentja e Tajvanit Tsai Ing-ëen kërkoi që ishulli të rriste vigjilencën në aktivitete ushtarake si reagim ndaj krizës. Komentet erdhën pasi kryeministri britanik, Boris Johnson, përmendi rreziqe edhe për Tajvanin, në një paralajmërim javën e shkuar për pasojat shkatërrimtare në të gjithë botën nëse perëndimi dështon të përmbushë premtimet e tij për të mbështetur pavarësinë e Ukrainës. Kina, që pretendon se Tajvani është territor i saj, ka intensifikuar aktivitetet ushtarake afër ishullit që vetëqeveriset gjatë dy viteve të fundit edhe pse Tajvani nuk ka raportuar kohët e fundit manovra të forcave kineze ndërkohë që tensionet mbi Ukrainën janë në qiell. Duke folur në pekin, zëdhënësja e ministrisë së jashtme hodhi poshtë cdo lidhje të mundshme mes cështjes së Ukrainës dhe asaj të Tajvanit.