Departamenti australian i mbrojtjes tha se një anije e marinës kineze kishte qëlluar me lazer një avion mbikqyrjeje australian duke vënë në rrezik jetët e ekuipazhit. Incidenti ndodhi të enjten kur avioni Poseidon P-8A pikasi një rreze lazer ndërsa po fluturonte mbi hapësirën ajrore australiane të ishullit. Episode të tilla nuk janë të pazakonta pasi SHBA dhe aleatët e saj akuzojnë Kinën për rritje të agresivitetit dhe kanë ndërmarrë masa për të sfiduar zgjerimin në rritje të pekinit në paqësorin perëndimor dhe rajone të tjera. Departamenti tha në një deklaratë të shtunën se lazeri kishte ardhur nga një anije e marinës kineze. Ajo shoqërohej edhe nga një tjetër anije kineze që kishte kaluar tranzit përmes ngushticës Torres. Të dyja anijet janë tani në detin e koraleve, në lindje të australisë. “Goditja me lazer nga anija kineze është një incident shumë serioz sigurie”, tha departamenti i mbrojtjes. “Ne dënojmë fuqimisht sjelljen joprofesionale dhe të pasigurt të ushtrisë kineze. Këto veprime kanë rrezikuar sigurinë dhe jetën e personelit australian”. Lazerat në fakt përbëjnë një problem shumë serioz kur drejtohen mbi një avion dhe mund të lëndojnë pilotët ose ti verbojnë ata përkohësisht. Ky përbën një rrezik të madh sigurie vecanërisht nëse mjetet janë në ngritje apo ulje. Dy vite më parë, SHBA akuzoi marinën kineze se kishte goditur me lazer një avion poseidon të saj mbi paqësor. Kina mohoi akuzat duke thënë se avioni kishte fluturuar në lartësi të ulët mbi luftanijen e saj pavarësisht paralajmërimeve të përsëritura.