Katër kompani kineze të teknologjisë, përfshirë gjigantin Baidu dhe SenseTime Group, prezantuan të enjten chatbot-et e tyre të inteligjencës artificiale për publikun, pasi morën miratimin qeveritar, me Qeverinë e Kinës që po bën përpjekje për të rritur përdorimin e produkteve të tilla, në mesin e një gare kundër Shteteve të Bashkuara. Baidu tha në një komunikatë për media se chatbot-i i saj i tipit ChatGPT, Ernie Bot, është tani plotësisht i aksesueshëm për publikun. Një zëdhënës i SenseTime tha për agjencinë e lajmeve Reuters se chatbot-i i tyre, SenseChat, është po ahstu i gatshëm për përdorim. Edhe dy kompani të tjera të inteligjencës artificiale, Baichuan dhe Zhipu AI, njoftuan lancimin e chatboteve të ngjashme. Si pasojë, aksionet e këtyre kompanive respektive shënuan rritje në tregun e hong kongut. Ndryshe nga vendet e tjera, Kina u kërkon kompanive të dorëzojnë vlerësime të sigurisë dhe të marrin leje para se të nxjerrin në treg produktet e inteligjencës artificiale. Autoritetet kineze i kanë rritur përpjekjet për të përkrahur kompanitë që zhvillojnë inteligjencë artificiale, pasi teknologjia është në qendër të garës së tyre me Shtetet e Bashkuara. Mediat kineze raportuan se gjithsej 11 firma kishin kërkuar leje nga Qeveria, përfshirë pronarin e TikTok-ut, ByteDance and Tencent Holdings.