Presioni amerikan ndaj Iranit me kërcënime për ndërhyrje ushtarake kundër regjimit të ajatollahëve, po forcon gjithnjë e më shumë lidhjet e Teheranit me Pekinin dhe Moskën. Middle East Monitor raporton se Kina, Rusia dhe Irani nënshkruan më 29 janar një marrëveshje që synon të thellojë bashkëpunimin e tyre në të gjitha fushat, që nga bashkëpunimi ekonomiko-tregtar, politik dhe ai ushtarak. Teksti i plotë i ujdisë po publikohet pjesë-pjesë nga mediat shtetërore në Teheran, Pekin dhe Moskë, që vënë theksin se marrëveshja e nënshkruar mbi bazën e respektit të ndërsjellë dhe sovranitetit të secilit vend është gurthemeli i rendit të ri botëror multipolar. Tre vendet kanë disa marrëveshje të nënshkruara mes njëra-tjetrës, por që janë në planin dypalësh. Ujdia e fundit dallon sepse parashikon një udhërrëfyes për të thelluar bashkëpunimin në një sërë çështjes, që nga sovraniteti bërthamor, bashkëpunimi ekonomik dhe deri te koordinimi i strategjisë ushtarake. Sa i përket bashkëpunimit ushtarak, tekstet paraprake që janë bërë publike deri më tani nuk parashikojnë mbrojtje të përbashkët, të ngjashme me nenin 5 të NATO-s, por lidh ngre një aleancë mes tre vendeve që kundërshtojnë dominimin ushtarak dhe ekonomik të Perëndimit.