Kina ka paralajëmruar vendet e aizsë që të mos bëjnë marrëveshje tregtare me Shtetet e Bashkuara në dëm të saj. Qeveritë, përfshirë ato të Tajvanit, Japonisë dhe Koresë së Jugut, kanë filluar bisedimet me Uashingtonin pasi presidenti amerikan, Donald Trump, pas vendosjes së tarifave nga ana e këtij të fundit. Taksat mbi importet u pezulluan shpejt për shumicën e vendeve pas një paniku në tregje, por Trump i rriti edhe më shumë naj Kinës. “Kina kundërshton fuqishëm çdo marrëveshje që bëhet në kurriz të interesave kineze”, tha Ministria e Tregtisë e Kinës në një komunikatë. “Nëse kjo ndodh, Kina nuk do ta pranojë kurrë dhe do të marrë kundërmasa në mënyrë të vendosur dhe të barabartë. Kina është e vendosur dhe e aftë t’i mbrojë të drejtat dhe interesat e saj”, tha ajo, transmeton radio evropa e Lirë. Sekretari amerikan i Thesarit, Scott Bessent, tha më herët këtë muaj se vendet që janë duke negociuar marrëveshje tregtare me SHBA-në duhet t’i “qasen Kinës si një grup” së bashku me Uashingtonin.