Avionë të forcave ajrore kineze duke përfshirë 12 avionë luftarakë kanë hyrë në zonën e mbrojtjes ajrore të Tajvanit, teksa tensionet në afësri të ishullit janë përshkallëzuar ndjeshëm vetëm pak ditë pasi mori detyrën administrata e re amerikane e Joe Biden. Kina e shikon Tajvanin e qeverisur në mënyrë demokratike si territorin e saj dhe e ka shtuar muajt e fundit aktivitetin ushtarak pranë ishullit. Por aktivitetet e saj gjatë fundjavës shënojnë kanë mbjellë frikë, pasi në vend të avionëve të zbulimit sic ka ndodhur rëndom, këtë radhë në zonë janë dërguar avionë 4 luftarakë dhe 8 bombardues. Ministria tajvaneze e mbrojtjes, deklaroi se forcat ajrore të ishullit janë në gjendje gadishmërie, të afta të përgjigjen në cdo moment. “ Mbrojtja kundërajrore I ka marrë udhëzimet, janë lëshuar paralajmërime radio dhe sistemet raketore janë në pozicionuar”, thuhet në deklaratën e ministrisë. Pekini vetë nuk ka bërë ende asnjë koment. Ai pretendon se veprime të tilla kanë për qëllim mbrojtjen e sovranitetit të vendit dhe duhet të shërbejnë si paralajmërim ndaj "bashkëpunimit" mes Shteteve të Bashkuara dhe Tajvanit. Kina e sheh Tajvanin si një provincë të shkëputur por që përfundimisht do të bëhet pjesë e saj, shumë tajvanezë këmbëngulin për një komb të shkëputur.