Një institut australian studimesh, thotë se kërkimet kineze mbi disa teknologji kryesore ushtarake janë aq të avancuara saqë Shtetet e Bashkuara dhe aleatët e saj kryesorë mbeten gjithmonë prapa. Instituti Australian i Politikave Strategjike publikoi një studim të fundit të tij, të bazuar në një analizë të punimeve kërkimore më të cituara, që del në përfundimin se Kina kryeson në 19 nga 23 kategoritë kryesore, duke përfshirë disa teknologji që ka të ngjarë të luajnë një rol të madh në përpjekjet e Pekinit për një dominim ushtarak në rajonin e Indo-Paqësorit dhe më gjerë.