Kina I hodhi poshtë deklaratat e sekretarit në largim amerikan të shtetit, Mike Pompeo sipas të cilit Pekini është fajtor për genocid kundër ujgurëve etnikë dhe minoriteteve tjera. “Nuk ka ndodhur kurrë në të kaluarën, nuk është duke ndodhur tani dhe nuk do të ndodhë kurrë në Kinë”, deklaroi zëdhënësja e Ministrisë së Jashtme kineze, Hua Chunying. Pompeo u shfaq një ditë më parë I bindur në pohimet e tij. “Unë besoj se genocidi është duke ndodhur dhe ne jemi dëshmitarë të tentimeve sistematike për të shkatërruar ujgurët”, nën “drejtimin dhe kontrollin” e Partisë Komuniste të Kinës, tha kryediplomati në një deklaratë të lëshuar vetëm një ditë përpara ceremonisë së inaugurimit të presidentit të zgjedhur, Joe Biden. Kombet e Bashkuara thonë se të paktën 1 milionë ujgurë etnikë dhe myslimanë tjerë në Ksinjiang janë ndaluar në ato që konsiderohen si “qendra kundër ekstremizimit” në këtë rajon. Pekini pretendon se kjo bëhet me qëllim parandalimin e terrorizimit dhe riintegrimin e ketyre njerezve në shoqëri. Si shenjë se politika amerikane për të drejtat e njeriut nuk do të ndryshojë kur bëhet fjalë për Pekinin, i nominuari për Sekretar Shteti nga Biden, Antony Blinken, deklaroi dhe ai se mbështet vendimin e Pompeos dhe se detyrimi i burrave, grave dhe fëmijëve që të qëndrojnë në kampe përqëndrimi, është në fakt përpjekje që ata të jenë ndjekës të ideologjisë së Partisë Komuniste Kineze dhe kjo flet për tenative për të kryer genocid.