Pilotëve luftarakë britanikë po u ofrohen paga prej 240 mijë paundësh ose mbi 270 mijë dollarësh, nga Kina, për të trajnuar ‘top gun’-ët armiq – kanë paralajmëruar burime të inteligjencës. Të paktën 30 ish pilotë të forcave të armatosura britanike, po tradhëtojnë ndërkohë vendin duke punuar me trupat në Kinë e duke ndihmuar vendin në rritjen e kapaciteteve ushtarake të vendit dhe taktikave ushtarake të tij. ‘Gjuetia’ për pilotë britanikë në detyrë dhe në pension, është përhapur ndjeshëm që nga fundi i 2019-ës tha një zyrtar perëndimor. Pilotëve luftarakë u ofrohen pagesa prej 240 mijë paundësh në vit për të trajnuar personelin në ushtrinë popullore kineze. Mësohet se disa nga ata që janë rekrutuar për të punuar me kinezët janë rreth të 50-tave dhe e kanë lënë ushtrinë prej kohësh. Lideri kinez Xi Jin Ping ka premtuar se do të rrisë trajnimin e trupave dhe do të hartojë strategji të reja për të arritur objektivin e tij përfundimtar për tu bërë një ushtri e klasit botëror.