Top News- Kina ‘godet’ objektiva kyçë në Tajvan / 9 luftanije dhe 71 avionë ushtarakë rreth ishullit

Kina ka simuluar goditjen precize ndaj objektivave kyçë në Tajvan dhe në ujërat përreth në ditën e dytë të stërvitjeve ushtarake. Stërvitjet, që Pekini i ka quajtur “paralajmërim të ashpër” për ishullin vetëqeverisës, po mbahen në përgjigje të vizitës së presidentes së Tajvanit në Shtetet e Bashkuara javën e kaluar. Ndërsa ushtria kineze po simulon rrethimin e ishullit, SHBA-ja i ka bërë thirrje Kinës që të tregojë vetëpërmbajtje. Tajvani tha se të paktën 71 avionë kinezë kanë fluturuar përreth ishullit të shtunën. Tajvani po ashtu tha se 45 avionë luftarakë ose kanë kaluar vijën e mesme të Ngushticës së Tajvanit, që jozyrtarisht ndan territorin tajvanez dhe atë kinez, ose kanë fluturuar në pjesën jugperëndimore të zonës së identifikimit të mbrojtjes ajrore të Tajvanit.