Kina na fajësuar NATO-n për luftën në Ukrainë duke kritkuar ashpër sanksionet që perëndimi i ka vënë Rusisë, si ndëshkim për pushtimin e Ukrainës. Në një fjalim të mbajtur në një konferencë në Pekin, zëvendësministri i Jashtëm kinez, Le Yucheng ai tha se zgjerimi i NATO-s mund të ketë pasoja katastrofike për Evropën. Sipas Kinës, sanksionet kundër Rusisë tani janë aq të rënda sap o përdoren si armë, madje as njerëzit nga komunitetet sportive, kulturore, arti dhe argëtuese nuk kursehen. Qeveria e Kinës u përpoq të distancohej nga ofensiva e Rusisë, por ka shmangur kritikat që shumë kombe të tjera i kanë drejtuar Moskës dhe vazhdon ta njohë luftën si pushtim. Po ashtu, ministri i jashtëm rus, Sergei Lavrov tha të shtunën se marrëdhëniet midis Rusisë dhe Kinës do të përforcohen. Gjatë një bisede telefonike të premten, presidenti amerikan, Joe Biden, e ka paralajmëruar liderin kinez, Xi Jinping për “implikime dhe pasoja” për Kinën nëse Pekini i ofron mbështetje Rusisë në luftën në Ukrainë, ka thënë Shtëpia e Bardhë. Media shtetërore kineze ka raportuar se Xi e ka përshkruar luftën si diçka “që nuk është në interesin e askujt”, por nuk ka hedhur asnjë kritikë e drejtpërdrejtë për presidentin rus, Vladimir Putin.