Zyrtarët amerikanë thanë se druajnë se kina mund të sulmojë avionin e Nancy Pelosit nëse ajo udhëton drejt Taivanit ndërkohë që Pekini ka lëshuar kërcënime të prera se do të marrë masa të forta dhe të vendosura nëse kryetarja e dhomës së deputetëve viziton ishullin. Kjo frikë bën që nëse Pelosi udhëton drejt taivanit, cka është ende e pasigurt, ushtria amerikane të rrisë lëvizjen e forcave dhe aseteve të saj në rajonin e Indo-paqësorit. Zyrtarët nuk kanë pranuar të japin detaje të planeve të tyre, por thanë se avionë ushtarakë, luftanije, asete mbikqyrjeje dhe sisteme të tjera ushtarake do të përdoreshin për të garantuar sigurinë e fluturimit të saj në Taivan dhe qëndrimin e saj atje. Ushtria amerikane po ashtu raportohet se po shqyrton edhe mundësinë e vendosjes së një task force të shumëanshme që do të përdorte edhe raketa, kapacitete elektronike dhe kibernetike, në mënyrë të integruar në Azi. Cdo udhëtim i një lideri amerikan jashtë vendit kërkon siguri shtesë. Por zyrtarët thanë këtë javë se një vizitë e Pelositr në Taivan, do të ishte ajo e një zyrtari të zgjedhur amerikan të rangut më të lartë në ishull që nga 1997, dhe do të shkonte përtej masave të zakonshme të sigurisë për udhëtime në destinacione më pak të rrezikshme. Kina paralajmëroi të mërkurën se uashingtoni do të përballej me pasoja nëse Pelosi do të vizitojë Taivanin, ditë pasi kërcënoi se do të merrte masa të forta kundër SHBA nëse udhëtimi finalizohet.