Ushtria kineze nisi stërvitjet rreth Tajvanit të shtunën në shenjë "paralajmërimi të fortë" rreth asaj që Ministria kineze e Mbrotjes e cilësoi marrëveshje e fshehtë mes "separatistëve dhe forcave të huaja". Ky zhvillim vjen disa ditë pas ndalesave që nënpresidenti i ishullit kreu në Shtetet e Bashkuara.Udhëtimi i fundit i nënpresidentit Tajvanez Ëilliam Lai në Paraguaj, përfshinte gjithashtu ndalesa në San Francisko dhe Nju Jork. Pekini pretendon se Tajvani është pjesë e territorit të tij dhe i mëshon qëndrimit se ishulli demokratik, nuk ka të drejtë të mbajë marrëdhënie me vendet të tjera të huaja. Autoritetet kineze thanë në një deklaratë të shkurtër se stërvitjet ushtarake synonin koordinimin e anijeve dhe avionëve si dhe të aftësive të tyre për të siguruar kontrollin e hapësirave ajrore dhe detare.