Italia, ka numrin më të lartë të atyre që mund të konsiderohen si stacione jo zyrtare policore të Kinës, në një rrjet prej më shumë se 100 të tillësh në botë – thuhet në një raport të fundit të një grupi spanjoll për të drejtat e njeriut. Qyteti verior i Italisë, Milano, mendohet se është përdorur nga dy autoritete të tilla kineze si testim i terrenit në Evropë për një strategji policimi që ka si qëllim të monitorojë popullatën kineze jashtë kinës dhe të detyrojë disidentët të kthehen në shtëpi. Grupi me bazë në madrid, Safeguard Defenders, raportoi që në shtator se 54 stacione të tilla mendohet se ekzistojnë në botë, cka edhe coi në nisjen e hetimeve nga policia në të paktën 12 vende, mes të cilave Kanadaja, Gjermania dhe Holanda. Në një raport të publikuar këtë të hënë, grupi i të drejtave të njeriut tha se kishte identifikuar edhe 48 stacione të tjera, 11 prej të cilëve ishin në itali. Stacione të tjera të identifikuara së fundmi kishte edhe në kroaci, serbi dhe Rumani. Në itali, këto stacione ishin të vendosura në Romë, Milano, Bolzano, Venecia, Fierence, Prato dhe sicili.