Lideri i koresë së veriut Kim Jong un shpalli fitoren në luftën kundër koronavirusit duke urdhëruar heqjen e masave të rrepta anti-epidemi të vendosura që në maj. Koreja e veriut nuk ka bërë të ditur se sa infektime të konfirmuara me virusin janë regjistruar në vend por që nga 29 korriku, ka raportuar se nuk ka patur raste të reja të dyshuara pavarësisht se organizatat ndërkombëtare të ndihmave thonë se vendi ka kapacitete të kufizuara testimi. E ndërsa hiqte masat anti pandemi, Kim jong un tha se koreja e veriut duhet të ruajë një barrierë të fortë anti epidemi dhe të intensifikojë përgatitjet deri në fund të krizës globale shëndetësore. Analistët thonë se koreja e veriut e ka përdorur pandeminë për të forcuar kontrollin social dhe shpallja e fitores nga ana e Kim jong unit mund të jetë një prelud për kthimin e tregtisë të pezmatuar nga mbyllja e kufijve dhe kufizimet e tjera. Shifra zyrtare e viktimave të koronavirusit në korenë e veriut është vetëm 74 persona dhe sipas agjencisë shtetërore të lajmeve KCNA bëhet fjalë për një mrekulli të paprecedenttë. Ndërkohë, motra e diktatatorit, Kim Jo Jong, tha se edhe vetë lideri koreanoverior ishte prekur nga covidi dhe kishte patur ethe e temperatura, ndërsa fajësoi fletushkat e hedhura nga koreja e jugut si shkak për shpërthimin e pandemisë. “Edhe kur ai ishte shumë i sëmurë, me temperaturë të lartë, nuk mund të qëndronte shtrirë për një moment pasi mendonte për njerëzit që kishin nevojë për kujdes”, tha ajo.