Kim Jong-un ka nderuar ushtarët e Koresë së Veriut të vrarë gjatë luftës së Rusisë me Ukrainën, duke vendosur duart mbi arkivolet e tyre të riatdhesuara në një pranim të rrallë publik se forcat e tij të armatosura kanë regjistruar viktima në konflikt. Fotografitë e udhëheqësit të Koresë së Veriut duke u ndalur para një rreshti prej disa arkivolesh të mbështjellë me flamurin e vendit u shfaqën në një ekran në një shfaqje gala të mbajtur të dielën për të shënuar përvjetorin e parë të një traktati ushtarak midis Koresë së Veriut dhe Rusisë. Eventi në Teatrin e Madh të Pyongyang-ut përfshinte shfaqje nga artistë të Koresë së Veriut dhe artistë rusë, me imazhe që lartësonin një pakt të mbrojtjes së ndërsjellë të firmosur nga Kim Jong un dhe presidenti rus, Vladimir Putin, në qershor të vitit të kaluar.