Kim Jong-un po dërgon edhe më shumë trupa koreano-veriore për të ndihmuar Vladimir Putinin në luftën e tij në Ukrainë, pasi të paktën 100 janë vrarë tashmë në luftime, sipas spiunëve të Koresë së Jugut. Inteligjenca e Koresë së Jugut zbuloi se përvec rreth 100 vdekjeve të Koresë së Veriut, rreth 1000 trupa janë plagosur po ashtu, një pjesë e konsiderueshme kjo e 11,000 trupave që u dërguan fillimisht në Rusi nga Kim Jong uni. Raporte të ngjashme për "disa qindra viktima" midis koreano-veriorëve kanë ardhur edhe nga Shtëpia e Bardhë dhe ushtria amerikane. Tani, Shërbimi Informativ Kombëtar, NIS, ka zbuluar se Kim Jong un do të dërgojë edhe më shumë trupa të tij drejt vdekjes në luftë, mijëra kilometra larg shtëpisë, në mbështetje të mikut të tij Vladimir Putin. Trupat e Koresë së Veriut u konfirmuan në vijën e frontit për herë të parë në fundjavë, pas raportimeve të para për mbërritjen e tyre në Rusi në tetor. Ata kanë luftuar kryesisht në rajonin e Kurskut në Rusi, pjesë të të cilit aktualisht kontrollohen nga Ukraina. Shërbimi Iformativ Kombëtar ia atribuon shkallën e lartë të viktimave faktit që koreano-veriorët po luftojnë në një "fushëbeteje të panjohur".