Lideri i koresë së veriut, Kim Jong un, besohet se ka ndryshuar sërish prefiks të hënën, duke mbushur plot katër dekada jetë, por media shtetërore vazhdon të heshtë për ditëlindjen e tij. Kjo e fundit, besohet se ëhstë më 8 janar, edhe pse regjimi i izoluar nuk e ka konfirmuar asnjëherë datën. Qeveria amerikane vlerëson se viti i lindjes së Kim Jong Unit është 1984, cka do të thotë se ai ka mbushur tani 40 vjec. Ditëlindja e babait dhe gjyshit të Kim Jong Unit, që i kanë paraprirë atij si sundimtarë, janë festa kombëtare në shtetin autoritar. Në të kundërt, data e lindjes e Kim Jong Unit, ka kaluar gjithnjë në heshtje, pa u përmendur në media dhe pa u shënuar as në kalendarët e vendit. Koreja e veriut iu afrua konfirmimit të datës së lindjes së liderit të saj në janar 2020, pasi autoritetet pranuan se Kim Jong un kishte marrë një urim për ditëlindje nga presidenti i atëhershëm Donald Trump, por sidoqoftë nuk u përmend data e saktë. Këtë vit, agjencia shtetërore e lajmeve KCNA, të hënën, tregoi Kim Jong unin ndërsa vizitonte një fermë pulash, i shoqëruar nga vajza dhe zyrtarët e lartë. Agjencia e inteligjencës e koresë së jugut, tha këtë muaj se beson se vajza e tij, Kim Ju ae, ndoshta 10 vjec, mund të jetë pasuesja e tij.