Një ditë pasi ai urdhëroi Shtetet e Bashkuara të reduktojnë stërvitjet ushtarake me Korenë e Jugut dhe e quajti vendin e izoluar "jo kërcënues dhe respektues", Presidenti amerikan Donald Trump tha se udhëheqësi i Koresë së Veriut Kim Jong Un i ishte përgjigjur thirrjes së tij. Marrëdhënia e Trump me Kim Jong un ka marrë më pak vëmendje nga Shtëpia e Bardhë sesa në mandatin e parë të manjatit, kur të dy ata u takuan dhe shkëmbyen letra, por presidenti amerikan ka sinjalizuar vazhdimisht interes për të ringjallur diplomacinë e drejtpërdrejtë me udhëheqësin e Koresë së Veriut. I pyetur nga një gazetar në Zyrën Ovale pse Kim Jong un nuk i ishte përgjigjur përpjekjeve të tij për t'u riangazhuar, Trump u përgjigj, "ai është përgjigjur". Por Trump nuk dha detaje të mëtejshme. Zyrtarët e Shtëpisë së Bardhë dhe misioni i Koresë së Veriut në Kombet e Bashkuara në Nju Jork nuk iu përgjigjën po ashtu kërkesave për koment. Trump të dielën udhëzoi Pentagonin të "reduktojë ndjeshëm" stërvitjet e përbashkëta ushtarake me aleatin afatgjatë aziatik, Korenë e Jugut, duke përmendur koston e stërvitjeve dhe refuzimin e Seulit për të marrë pjesë në veprime kundër Iranit. Koreja e Veriut i denoncon stërvitjet si përgatitje për luftë. Trump shkroi në platformën e tij Truth Social se stërvitjet "jo vetëm që ishin të kushtueshme por dërgonin një sinjal që është krejtësisht i papërshtatshëm dhe armiqësor, për një vend që, për sa kohë që Donald J. Trump ka qenë President, ka qenë jo kërcënues dhe respektues".