Lideri i Koresë së veriut, Kim Jong un ka mbikqyrur një testim të raketave strategjike kruiz, tha media shtetërore KCNA të hënën, ndërsa Koreja e jugut dhe Shtetet e bashkuara nisën stërvitjet e përvitshme ushtarake që peniani i konsideron si përgatitje për luftë. Kim vizitoi një luftanije të marinës, të vendosur në bregun lindor, ku edhe mbikqyri testimin në bordin e saj, tha KCNA, pa specifikuar datën e këtij udhëtimi. Lancimi, kishte si qëllim të verifikonte funksionet luftarake të anijes dhe të testonte sistemin e saj raketor, ndërkohë që përmirësonte aftësinë e marinarëve për të kryer një mision sulmues në një luftë të vërtetë – tha KCNA, duke nënvizuar se raketa e lëshuar goditi shënjestrën. Ministria e mbrojtjes e koresë së jugut, tha se kishte regjistruar shenja të lancimit por shtoi se pretendimet e KCNA-së ishin të ekzagjeruara dhe ndryshonin nga e vërteta. Testimi më i fundit vjen ndërsa koreja e jugut dhe SHBA po nisin stërvitjet e përvitshme të verës, që kanë si qëllim të përmirësojnë reagimin e tyre të përbashkët ndaj kërcënimeve bërthamore dhe raketore që vijnë nga koreja e veriut. Peniani i ka denoncuar stërvitjet si përgatitje për një luftë bërthamore.