Partia në pushtet e liderit të Koresë së Veriut, Kim Jong Un, ka shpallur fitore dërrmuese në zgjedhjet parlamentare. Me pothuajse 100% të votave ndërsa pjesëmarrja e raportuar ishte në rreth 99.9%. Gjatë votimeve u zgjodhën dhe 687 deputetë të Asamblesë Popullore, të gjithë nga Partia e Punëtorëve në pushtet. Sipas Kushtetutës të Phenianit, zgjedhjet duhet të mbahen çdo pesë vite, por kësaj here u shtynë për t’u përputhur me kongresin e Partisë së Punëtorëve. Më parë, zgjedhjet janë shtyrë vetëm dy herë: gjatë Lufta Koreane dhe pas vdekjes së Kim Il Sung në vitin 1994. Për herë të parë në zgjedhjet lokale të vitit 2023, votuesit patën mundësi të refuzonin kandidatin. Në këto zgjedhje, rreth 0.7% votuan kundër, një rritje krahasuar me 0.1% më parë, por ende një nivel shumë i ulët kundërshtimi. Asambleja e re do të mblidhet më 22 mars për të shqyrtuar planin pesëvjeçar, që përfshin zgjerimin e arsenalit bërthamor dhe zhvillimin e raketave me rreze të gjatë. Ndërkohë, motra e liderit, Kim Yo-jong, është promovuar në një post të rëndësishëm në parti dhe konsiderohet një nga figurat më të fuqishme në vend.