Kievi tha se pretendimet e Moskës për një sulm ukrainas brenda kufijve rusë të enjten, janë provokime të hapura duke akuzuar kremlnin për fabrikim sulmesh me qëllim që t’i hidhet faji ukrainës. Agjencitë ruse të lajmeve thanë se forcat e Putinit po luftonin për të eleminuar një grup ukrainas sabotazhi në rajonin e Bryanskut, që kufizohet me Ukrainën, pasi grupi sipas tyre, kishte marrë peng banorë në një dyqan. Por, një këshilltar i lartë i presidentit ukrainas, Volodimir Zelenski, reagoi menjëherë pas raporteve duke thënë se Rusia po kërkonte të justifikonte një sulm mbi një tjetër vend. “Historia për një grup sabotazhi ukrainas në rusi, është një provokim klasik”, shkroi në tëitter Mikhailo Podolyak. “Rusia do të frikësojë njerëzit e saj dhe të justifikojë një sulm mbi një vend tjetër si edhe varfërinë në rritje pas një viti luftë”.