Tony Blair, ish kryeministri britanik dhe këshilltari i kryeministrit Edi Rama është përfshirë në diskutime mbi mundësinë për të drejtuar autoritetin tranzitor që do të qeverisë Rripin e Gazës nëse ka një armëpushim mes Izraelit dhe Hamasit. Kështu raporton BBC, që shkruan në edicionin e saj online se Blair ishte pjesë e bisedimeve të nievlit të lartë që u mbajt në Nju Jork gjatë kësaj jave. Në zemër të propozimit të fundit, të diskutuar nga Presidenti i SHBA-së, Donald Trump dhe udhëheqësit arabë në Nju Jurk, është ideja që Gaza të drejtohet nga një organ kalimtar me mbështetjen e OKB-së dhe mbështetjen e vendeve arabe dhe territory t’i rikthehet gradualisht kontrollit palestinez. Emri kryesor që po diskutohet për ta drejtuar këtë autoritet është Tony Blair, zyra e të cilit ka deklaruar më herët se nuk mbështet asnjë plan që zhvendos palestinezët nga shtëpitë e tyre. Ky do të ishte një rikthim për Tony Blair, që ka shërbyer për pak kohë si i dërguar i SHBA, BE dhe Rusisë në Lindjen e Mesme, ku u përqëndrua në zhvillimin ekonomik të palestinezëve dhe krijimin e kushteve për zgjidhjen me dy shtete.