Rudina Hajdari kërkon mbledhjen e Këshillit politik ditën e martë, në orën 11:00. Deputetja e opozitës parlamentare merr shkak nga kthimi në Kuvend I projektligjit për ndryshimet në Kodin zgjedhor nga ana e Presidentit Meta. Nëpërmjet një deklarate publike Hajdari shprehet se është një mundësi e mirë për tu riulur edhe njëherë në tryezën e Këshillit Politik për të diskutuar se si mund të arrihet një produkt i cili të gëzojë jo vetëm mbështetjen e një pale, siç është rasti aktual, por mbi të gjitha mbështetjen e të gjithë qytetarëve shqiptarë. ‘Duke shfrytëzuar mundësinë që kemi përpara, ju ftoj që ditën e martë, në orën 11:00, të riulemi në tryezë dhe të arrijmë një kompromis, ku baza duhet të jetë fuqizimi I qytetarëvë duke i dhënë përparësi absolute në formulën e përzgjedhjes së deputetëve, votës qytetare e jo preferencës së kryetarëve. Kjo do të ishte një sinjal nga ana juaj, se keni në fokus qytetarët e jo interesat e ngushta personale. Do të tregonte se ju intereson më shumë Shqipëria e jo partia’, thekson ndër të tjera në deklaratën e saj Rudina Hajdari.