Këshilli Europian ka nënvizuar edhe nëjherë nevojnë për zbatimin e reformave, e veçanërisht atë në drejtësi që mbetet prioritet për integrimin e vendit. Në një reagim për Top Neës, mbi takimin e zhvilluar me kryeministrin Edi Rama të hënën, zyra e shtypit e presidentit Antonio Costa dha detaje duke sqaruar se e gjithë biseda ishte mbi hapat e ardshëm të Shqipërisë drejt anëtarësimit në BE, ndërsa e cilëson momentin në të cilin ndodhet vendi si kritik, duke ju referuar rastit të çështjes Balluku. “Presidenti Costa zhvilloi një takim të mirë me Kryeministrin Edi Rama mbi hapat e ardhshëm të Shqipërisë në rrugën e saj drejt anëtarësimit në BE. Shqipëria ndodhet në një moment kritik. Gjatë viteve janë bërë përpjekje të konsiderueshme. Tani ato duhet të vazhdojnë dhe të konsolidohen. Ata ranë dakord se reformat kyçe – veçanërisht në drejtësi, të drejtat themelore dhe luftën kundër korrupsionit – mbeten përparësi kryesore. BE-ja do të vijojë të mbështesë përpjekjet e Shqipërisë për avancimin e tyre.”, thuhet në reagimin e dhënë për Top Neës. Edhe Komisioni Europian, në një përgjigje me shkrim për Top Neës, dhënë paraditen e së hënës bëri thirrje që Kuvendi të miratojë pa vonesa kërkesën e SPAK për imunitetin e Ballukut.