Gjykata e Apelit të Posaçëm ka vendosur të mos ndryshojë masën e sigurisë për 6 të akuzuarit në dosjen e koncesionit të sterilizimit. Konkretisht ish-zv/ministri i Shëndetësisë Klodian Rrjepaj dhe biznesmeni Ilir Rrapaj, të cilët janë dënuar me arrest me burg, kanë kërkuar ndryshim mase sigurie. Gjithashtu një fjë të tillë e ka kërkuar edhe Marsela Serjani dhe Saimir Kadiu, të cilët janë në arrest shtëpie. Naile Ajazi dhe Petro Mersini që ndodhen nën masën detyrim paraqitje, nuk kanë bërë ankim. Ish zv/ministri Klodian Rjepaj dhe biznesmeni Ilir Rrapaj janë arrestuar që prej 17 gushtit 2023, ndërsa 6 të tjerë janë në hetim në masa sigurie “arrest me shtëpie” ose “detyrim me paraqitje”. Rjepaj do të përballet me drejtësinë me akuzat e “falsifikimit të dokumenteve” dhe “shpërdorimit të detyrës”, ndërsa biznesmeni Rrapaj për “mashtrim me pasoja të rënda”. Koncesioni i sterilizimit të pajisjeve kirurgjikale nëpër spitale u dha në vitin 2015 me kosto rreth 100 milionë euro. Megjithatë, kostoja në buxhet për këtë koncesion vlerësohet se aktualisht ka kaluar 120 milionë euro.