37-vjeçari Valmir Polisi, i dënuar për trafik droge është arrestuar nga policia në një zonë të thellë të fshatit Pishkash të qarkut të Elbasanit, aty ku edhe fshihej. Në vitin 2024, Valmir Polisi u dënua nga Gjykata e Posaçme me 9 vite e 4 muaj burg për trafikim, prodhim dhe shitje të lëndëve narkotike, të kryera në kuadër të një grupi të strukturuar kriminal. Nga ky dënim, sipas policisë atij i kishin mbetur për të vuajtur edhe 4 vite, 7 muaj e 18 ditë burg. Kapja e të kërkuarit Valmir Polisi u realizua falë bashkëpunimit të shërbimeve operacionale të Elbasanit me forcat Shqiponja” në kuadër të operacionit të koduar 'Target'. Gjatë këtij operacioni, 37 vjecari sapo pikasi efektivët, tentoi të largohet, por u arrit të neutralizohej dhe të vihej në pranga. Ai është një nga të dënuarit e dosjes së madhe të trafikut të drogës që u godit në operacionin “Five”. Më 2 tetor 2024, GJKKO dha rreth 200 vite burg për 32 persona të përfshirë në pesë grupe kriminale që merreshin me trafik narkotikësh. 37 vjecari Valmir Polisi do t'i dorëzohet Drejtorisë së Përgjithshme të Burgjeve, për kryerjen e veprimeve të mëtejshme.