Këshilli Prokurorial i Kosovës (KPK) ka refuzuar me katër vota pro, e tre kundër në mbledhjen e kësaj të hëne kërkesat për tërheqjen e dorëheqjeve të pesë prokurorëve dhe 15 anëtarëve të stafit mbështetës të komunitetit serb në Prokurorinë e Mitrovicës. KPK-ja dërgoi tek ushtruesja e detyrës së Presidentes, Albulena Haxhiu, emrat e pesë prokurorëve për lirim nga detyra. Po ashtu, në takim Këshilli shfuqizoi vendimin për pezullimin e pagave për prokurorët dhe stafin mbështetës serb. Anëtari i Këshillit Prokurorial të Kosovës Dardan Vuniçi, tha se çdo rikthim në sistem mund të realizohet vetëm nëse i nënshtrohen procedurës rekrutuese, e ngjashme si për të gjithë prokurorët. Ish-prokurorët serbë kishin kërkuar që të riktheheshin në vendet e tyre të punës, pasi kishin dhënë dorëheqje në nëntor të vitit 2022, kur përfaqësuesit serbë u larguan nga institucionet e Kosovës në veri të vendit.