Ukraina po punon për të rifilluar shkëmbimin e të burgosurve me Rusinë, duke shpresuar për lirimin e 1,200 ukrainasve, thanë Presidenti Volodymyr Zelenski dhe shefi i Këshillit të Sigurisë së vendit. "Ne po punojmë për rifillimin e shkëmbimeve," tha Zelenski në një video të postuar në aplikacionin e mesazheve Telegram të dielën. "Shumë takime, negociata dhe telefonata tani po i dedikohen kësaj cështjeje". Shefi i tij i sigurisë, Rustem Umerov, tha të shtunën se kishte zhvilluar konsultime në Turqi dhe Emiratet e Bashkuara Arabe, me mbështetjen e partnerëve të Kievit, për rifillimin e procesit të shkëmbimeve. "Si rezultat i këtyre negociatave, palët ranë dakord të kthehen në marrëveshjet e Stambollit," tha ai. "Kjo ka të bëjë me lirimin e 1,200 ukrainasve," tha Umerov në një deklaratë në Telegram. Nuk pati asnjë koment të menjëhershëm nga Moska për deklaratat e Ukrainës. Marrëveshjet e Stambollit janë marrëveshje për shkëmbimin e të burgosurve të ndërmjetësuara nga turqia në vitin 2022, të cilat përcaktojnë rregulla për shkëmbime të mëdha dhe të koordinuara midis Rusisë dhe Ukrainës.