Ukraina po kërkon zgjidhje për të riparuar dëmin e shkaktuar nga një sulm me dron rus në kupolën e izolimit në termocentralin bërthamor të Çornobilit, tha ministrja e mbrojtjes së mjedisit dhe burimeve natyrore. Svitlana Hrynchuk foli jashtë stacionit të çmontuar gjatë inaugurimit të një impianti të energjisë diellore 0.8 megavat përpara dy konferencave për të diskutuar për Çernobilin dhe çështje të tjera që lidhen me operacionet e energjisë bërthamore. Ajo tha se Ukraina po punonte së bashku me ekspertë për të përcaktuar mënyrën më të mirë për të rikthyer funksionimin normal të kupolës mbrojtëse, pas sulmit me dron të 14 shkurtit. "Fatkeqësisht, pas sulmit, kupola humbi pjesërisht funksionalitetin e saj. Dhe tani, mendoj se në maj, do të kemi rezultatet e analizës që kemi nisur...", tha Hrynchuk. Në analizë, sipas saj, ka marrë pjesë Banka Evropiane për Rindërtim dhe Zhvillim, institucionet shkencore dhe kompanitë e përfshira në instalimin e kupolës në vitin 2019. Zyrtarët në uzinë thanë se sulmi me dron sjkaktoi një çarje të madhe në kapakun e jashtëm të strukturës. Zëdhënësja e Ministrisë së Jashtme ruse Maria Zakharova në atë kohë e quajti incidentin në Çornobil "një provokim".