Shumë protestues u mblodhën jashtë rezidencës zyrtare të kryeministrit izraelit Benjamin Netanyahu në Jeruzalem për të kërkuar përfundimin e luftës në Gaza. Tubimi erdi pas vendimit të Hamas për të pranuar propozimin e Katarit dhe Egjiptit për armëpushim. “Pasi Hamasit i tha se ata do ta pranojnë marrëveshjen, ne duhet të themi po, le të ulemi dhe të flasim dhe të bëjmë gjithçka që mund të bëjmë për të sjellë pengjet në shtëpi, për ta bërë qeverinë tonë ta pranojë këtë”, tha një protestues për AFP. Lidhur me vendimin e grupit terrorist shteti i Izraelit ende nuk e ka thënë fjalën e tij. Kryeministri Benjamin Netanyahu është zotuar se nuk do të tërhiqet deri sa të shkatërroj grupin terrorist të Hamas. Kjo gjë sipas tij do të sillte paqen në rajon. Ndërkohë sipas reuters, që i referohet burimeve, Izraeli mund të mos e pranojë këtë propozim.