Policia e Shtetit ka hapur aplikimet për pranimin në strukturat e policisë për 400 aspirantët për efektivë të rinj, të ndarë sipas strukturave. Në numrin e kuotave për konkurrim, 50 për qind e tyre do të jenë për shtetaset femra, të cilat pas përfundimit me sukses të Kolegjit Profesional të Formimit Policor në Akademinë e Sigurisë, do të emërohen në strukturat e Kufirit dhe Migracionit. Për t’u bërë pjesë e këtyre strukturave të policisë, aplikantët duhet të plotësojnë disa kritere duke nisur nga fakti që duhet të jenë shtetas shqiptar, te kenë mbaruar arsimin e mesëm, të mos jenë të përjashtuar nga Policia e Shtetit, të jenë në gjendje të mirë shëndetësore dhe të aftë fizikisht për të kryer detyrën, të mos jenë të dënuar me vendim gjykate, të formës së prerë, si dhe kritere të tjera të cilat janë bërë publike nga policia.