Vrasja e një 65-vjeçari në vitin 2013, në Tumba të Selanikut, në një bllok apartamentesh, është rikthyer në vëmendje pas 13 vitesh. Autoritetet kanë vënë në pranga një 46 vjeçar shqiptar në Serbi, I dyshuar si një nga autorët e çështjes, dhe e kanë ekstraduar në Greqi, ku po përballet me akuzat për vrasje dhe grabitje në bashkëpunim. Sipas dosjes se ngjarjes së ndodhut në 27 shkurt 2013, grupi I përfshirë në çështje, pasi ishin infromuar për gjendjen financiare të 65-vjeçarit, kanë monitoruar lëvizjet e tij për ditë të tëra përpara se të vazhdonin me planin e tyre. Ditën e grabitjes, autorët dyshohet se e dërguan 65-vjeçarin në bodrumin e ndërtesës, ku e lidhën dhe i mbyllën gojën, I cili ndërroi jetë nga asfiksia. Sipas dosjes, autorët morën sendet me vlerë dhe sasinë e parave në apartamentin e viktimës ku ndodhej gruaja e tij. Gjykata dënoi në atë kohë ndihmësen shtëpiake të 65-vjeçarit, bashkëshortin e saj dhe dy të huaj të tjerë. Sipas aktakuzës, punëtorja dyshohet se ka informuar bashkëshortin e saj për gjendjen financiare të viktimës, ndërsa ai dyshohet se ka organizuar grabitjen. Punëtorja shtëpiake u dënua me 11 vjet e 6 muaj burg, ndërsa tre të dënuarit e tjerë morën dënime me burgim të përjetshëm dhe dënime shtesë shumëvjeçare.