Një 34-vjeçar me origjinë nga Turqia është kapur në hyrje të pikës kufitare të Muriqanit. Ky shtetas ishte shpallur në kërkim ndërkombëtar nga autoritetet e Turqisë, pasi akuzohet për veprën penale trafikim të lëndëve narkotike. Për këtë Gjykata e Krimeve të Rënda e Sakarya në Turqi e ka dënuar me pak më shumë se 13 vite heqje lirie. Nga ky dënim të riut i kishte mbetur për të kryer dhe 10 vite e 20 ditë burg. Ai u arrestua pas informacioneve të shkëmbyera me shërbimet të Policisë Kufitare dhe me Interpol Tiranën. Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.