Muajt e izolimit kufizuan shumë qytetarë, të cilët nuk arritën të aplikojnë për të siguruar dokumentet biometrike, si karta, apo pasaporta. Vendimi për shtyrjen e vlefshmërisë së tyre, nuk ka penguar fluksin e shumë qytetarëve që janë drejtuar për në zyrat e aplikimit. Mesatarisht regjistrohen rreth 1300 aplikime në vetëm 1 ditë, ndërsa shumë prej tyre bëhen online, aty ku edhe caktohet data për aplimim. Rreth 59 mijë aplikime janë regjistruar në 1 muaj e gjysëm. Kjo shifër rekord tregon kërkesat në rritje të qytetarëve shqiptarë që duan të pajisen me dokumentet e rëndësishme edhe pse shumë prej tyre për shkak të masave anticovid kanë zgjedhur të aplikojnë fillimisht online, e më pas të paraqiten në zyrat e njësive bashkiake. Nga data 11 maj, përmes shërbimit të dedikuar online në e-albania “Aplikim i formularit për lëshim ose rinovim të pasaportës”, qytetarët mund ta bëjnë online edhe plotësimin e formularit të aplikimit për pasaportë edhe rezervimin e takimit në zyrat e aplikimit, duke lehtësuar jetën e tyre dhe reduktuar burokracitë për marrjen e shërbimeve publike. Kësisoj, i duhet të paraqiten vetëm 1 herë në zyrat e aplikimit, duke eliminuar 2 procese njëherësh: Plotësimin e formularit dhe rezervimin e takimit, që tanimë prej 1 muaji e gjysmë kryhen vetëm online.