Ndërsa ditët kalojnë dhe ethet elektorale sa vijnë e shtohen, në KQZ kanë mbërritur kërkesat e para të subjekteve zgjedhore pë t’u regjistuar si pjesëmarrëse në zgjedhjet e 25 prillit. Janë 10 parti politike që kanë depozituar kërkesën në KQZ mes tyre, spikasin subjektet që drejtohen nga ish eksponentë të Partisw Demokratike. Kështu ka depozituar kërkesën për t’u regjistruar si pjesëmarrëse në zgjedhje Partia Lëvizja për Ndryshim e drejtuar nga Jozefina Topalli, ish nënkryetare e PD dhe ish kryeyare e Kuvendit gjatë kohës që vendi u qeveris nga selia blu. Po kështu edhe Bindja Demokratike e drejtuar nga ish nënkryetari tjetër i PD dhe ish kreu i grupit parlamentar Astrit Patozi. Topalli dhe Patozi, të dy kritikë të ashpër të kryetari aktual të PD Lulzim Basha kanë deklaruar se do të bashkëpunojnë për të maksimizuar votat në këto zgjedhje. Ndërkaq një tjetër subjekt është Partia Lëvizja Demokratike Shqiptare e drejtuar nga Myslim Murrizi, aktualihst deputet në parlament. Murrizi së bashku me Rudina Hajdarin ishin të vetmit që nuk iu bindën vendimit të grupit të PD dy vjet më parë për të dorëzuar mandatet dhe vijuar aktivitetin si opozitarë në parlament. Edhe PDIU, PLL, Balli Kombëtar parti që kanë marrë pjesë edhe në zgjedhje të mëparshme janë në grupin e kërkesave që KQZ do të marrë në shqyrtim në mbledhjen e radhës. Çudi në këtë grup të parë të subjkteve ka shkaktuar kërkesa e PDIU e drejtuar nga Shpëtim Idrizi, që ishte në negociata për të hyrë në zgjedhje në koalicion të përbashkët me PD. Por duket se gjerat s’kanë shkuar ashtu siç duhet mes Idrizit dhe Bashës që kanë zjellë këto zhvillime. Mes kërkesave që do të shqytrtojë KQZ, janë edhe dokumentat e paraqitura nga dy kandidatë të pavarur, Pal Shkambi që do garojë në Shkodër dhe Plarent Aleksi që do garojë në Berat. Ndërkaq sipas Kodit Zgjedhor afati për t’u regjistruar si subjekte zgjedhore në KQZ është deri në 14 shkurt, ndërsa deri në 24 shkurt duhet të regjistrohen koalicionet zgjedhore. sa i takon dorëzimit të listave të kandidatëve, afati i fundit i dorëzimit ën KQZ është 6 marsi.