Policia e Shkodrës ka zbardhur ngjarjen e ndodhur në orët e para të mëngjesit të së enjtes në lagjen 10 Korriku, ku shtetas të paidentifikuar vendosën lëndë eksplozive në garazhin e një shtetasi. Dy persona u shpallën në kërkim si autor të dyshuar të vendosjes së sasisë së eksplozivit. Seadet Myftia dhe Zabit Mehmedaj të dy ish futbollistë të moshës 27 vjec, janë dy personat që vendosën lëndën palsëse në garazhin ne pronësi të shtetasit Agim Uraj. Sipas policisë, Myftia dhe Mehmedaj kanë qenë edhe më parë në kërkim për ngjarje të tjera kriminale. Nga kqyrja e kamerave të sigurisë në aksin rrugor përmes të cilit dyshohet se u larguan autorët, rezultoi se dy të rinjtë janë larguar me një motomjet, të cilin e kishin vjedhur në qytetin e Shkodrës, pak para ngjarjes.