Koreja e Veriut tha se dërgimi nga ana e SHBA i aeroplanmbajtëseve, bombarduesve apo nëndetëseve me raketa në korenë e jugut, i plotëson kushtet që ajo të përdorë armët bërthamore, raportoi media shtetërore KCNA, duke cituar ministrin e mbrojtjes në vend. Komentet i ngrenë akoma më shumë tensionet ndërsa secila palë përgatitet të demonstrojë forcën, në një përplasje mbi programet e armëve bërthamore dhe raketave balistike të vendit të izoluar. Deklarata e ministrit të mbrojtjes akuzon po ashtu SHBA dhe Korenë e Jugut për përshkallëzimin e tensioneve në rajon ndërsa kritikon edhe takimin e parë të grupeve konsultative bërthamore të tyre. “Dërgimi i gjithnjë e më shumë nëndetësve strategjike bërthamore dhe aseteve të tjera strategjike, mund të plotësojë kushtet për përdorimin e armëve bërthamore, sic përcaktohet në ligjet e koresë së veriut”, thuhet në deklaratë.