Të emëruarit e rinj të Trump kanë qenë në shënjestër të kërcënimeve me bombë tha ekipi I tranzicionit të presidentit të ri këtë të mërkurë. Shumë prek kanosjeve kanë qenë të rreme. Lidhur me këtë çështje Byroja Federale amerikane e Hetimeve (FBI) tha se është duke kryer hetime. “Mbrëmë dhe sot në mëngjes, disa nga të nominuarit për kabinet dhe të emëruarit e administratës së presidentit Trump, u vunë në shënjestër të kërcënimeve të dhunshme dhe joamerikane për jetën e tyre dhe të atyre që jetojnë me ta”, tha zëdhënësja e ekipit të Trumpit, Karoline Leavitt ndërsa sqaroi se autoritetet e rendit “reaguan shpejt për të garantuar sigurinë e atyre që u kërcënuan”. Në mesin e atyre që u kërcënuan ishin përfaqësuesja e Nju Jorkut, Elise Stefanik, e cila është nominuar nga Trumpi për të shërbyer si ambasadore e ardhshme në Kombet e Bashkuara, Matt Gaetz, i nominuari fillestar i Trumpit për të shërbyer si prokuror i Përgjithshëm, por dhe Susie Ëiles, shefja e ardhshme e stafit të Trumpit, dhe Pam Bondi, ish-prokurorja e Përgjithshme e Floridës.