Irani, Rusia dhe Koreja e Veriut kanë krijuar një "bosht të ri kërcënimi" që përbën një kërcënim të drejtpërdrejtë për paqen botërore, ka paralajmëruar Sekretari britanik i Mbrojtjes John Healey. Ai tha se ky grup vendesh do të "sulmojë mënyrën tonë të jetesës" dhe të hedhë në erë sigurinë e fituar me vështirësi të pas Luftës së Dytë Botërore. Në një intervistë për The Sun, të dielën, Healey tha se rritja e shpenzimeve të mbrojtjes në 2.5 për qind të Produktit të Brendshëm Bruto ishte një premtim i hekurt i qeverisë së tij. Irani ka zhvilluar luftëra në hije kundër Izraelit dhe Perëndimit për vite me radhë duke mbështetur grupet terroriste Hamas, Hezbollah dhe rebelët Houthi. Por ekziston më shumë se kurrë tani frika se gjithcka mund të shpërthejë në një luftë të plotë midis Iranit dhe Izraelit, pas sulmeve të këtij të fundit ndaj Hezbollahut në liban. Në një paralajmërim rrëqethës, Healey tha se bota po përballet me një moment rreziku të madh. “Ne kemi një luftë në Evropë për herë të parë në dekada, që nga fundi i Luftës së Dytë Botërore. Ne kemi një konflikt në Lindjen e Mesme që, siç e kemi parë ditët e fundit, ka rrezik të përshkallëzohet në një konflikt shumë më të gjerë rajonal. Ne e shohim Iranin duke forcuar boshtin e tij të kërcënimit përkrah Rusisë dhe Koresë së Veriut. Ne shohim rritje të tensioneve në pjesë të tjera të botës, si IndoPaqësori. Dhe ky kombinim i kërcënimeve në rritje dhe diversifikimi, do të thotë që ne duhet të bëjmë më shumë për të mbrojtur veten dhe për të qenë të fortë edhe jashtë vendit” tha Healey.