Muzikanti i njohur, Sting, ka thënë se artistët po përballen me një “betejë” për të mbrojtur punën e tyre, përballë rritjes së numrit të këngëve të shkruara nga inteligjenca artificiale. “Blloqet e ndërtimit të muzikës, na përkasin ne, njerëzve”, ka thënë ai për transmetuesin britanik, BBC. “Kjo do të jetë një betejë, në të cilën duhet të luftojmë të gjithë në vitet në vijim: të mbrojmë kapitalin njerëzor kundër inteligjencës artificiale”. Komentet e tij vijnë pasi inteligjenca artificiale është përdorur për të krijuar një numër këngësh, apo edhe për të “klonuar” vokalet e artistëve të famshëm. Në shkurt të këtij viti, artisti David Guetta, përdori teknologjinë për të shtuar zërin e një artisti tjetër, Eminemit, në një prej këngëve të tij, ndërsa në prill është publikuar një duet i rremë mes Drake dhe The Ëeeknd.