Këngëtarja nga Kosova Nita Latifi ka postuar në Instagram disa fotografi ku shfaqet së bashku me Luizin dhe Kiara Titon. Ajo që tërhoqi më shumë vëmendje ishte edhe shkrimi bashkëngjitur me këto imazhe. “Kënga e radhës... As dy shotsa as dy gota po 2 bidona”, ka shkruar ajo. Nuk dihet nëse vërtetë dy ish-banorët do të bashkëpunojnë së bashku për një këngë, por ndjekësit e tyre e kanë pritur mjaft mirë këtë ide dhe e duan një projekt nga ata të dy. Nuk janë të paktë banorët që kanë publikuar projekte muzikore pas daljes nga shtëpia më e famshme në Shqipëri, “Big Brother VIP” dhe duhet thënë që kanë rezultuar suksese të vërteta. I pari që nxori në treg këngë ishte fituesi i këtij edicioni, Luiz Ejlli, në bashkëpunim me Donald Veshajn. Kënga mban titullin “2 shotsa” dhe është pritur mjaft mirë nga publiku. Edhe Nita Latifi ka publikuar këngën e saj më të re që titullohet “2 Gota” që është pritur mjaft mirë nga publiku.