Partia Demokratike mbajti këtë të shtunë Kuvendin Kombëtar, nën logon ‘Ripërtëritje’, një mbledhje e cila erdhi pas përfundimit të zgjedhjeve në degët e PD në të gjithë Shqipërinë dhe referendumit të votëbesimit që rikonfirmoi Sali Berishën në krye të partisë me gati 38 mijë vota pro. Ky Kuvend u përshëndet nga ndërkombëtarët, të cilët përcollën edhe mesazhet e tyre. Andrej Plenkoviç, Kryeministri i Kroacisë, ishte i pari që përshëndeti përmes një videomesazhi punimet e Kuvendit Kombëtar të PD. Ndajmë të njëjtin orientim pro-europian dhe dëshiroj t’ju jap mbështetjen e fortë të Bashkimit Demokratik Kroat për një kuvend të suksesshëm të partisë dhe për suksese të mëtejshme elektorale. Presidenti i IDU dhe ish-kryeministër i Kanadasë, Stephen Harper në fjalën e tij u shpreh se familja e tyre demokratike qëndron në krah të PD. Ne qëndrojmë fort në krahun e Partisë Demokratike të Shqipërisë. Partitë e forta nuk qëndrojnë në vend; ato dëgjojnë qytetarët, rivlerësojnë strukturat e tyre dhe qartësojnë vizionin. Ish-kongresmeni amerikan, Bob McEwen garantoi mbështetjen për PD-në dhe Berishën Ne qëndrojmë pranë jush në të gjithë këtë përpjekje dhe si një popull konservator dhe që e duam lirinë, ne do t’ju mbështesim. sikurse e tha edhe Berisha, ne e rrëzuam tiraninë më përpara, do ta rrëzojmë përsëri. Deputetja e Parlamentit Europian, Dolors Montserrat u shpreh se mbështet procesin e modernizimit të partisë Ju po modernizoni të gjithë partinë për t’u bërë më të fortë, për të fituar zgjedhjet e ardhshme në Shqipëri, sepse ne duam t’ju shohim në pushtet. Reagime për Kuvendin Kombëtar të PD pati edhe nga Ish deputeti i CDU, Volkmar Klein dhe Presidenti i IDC-CDI, Andrés Pastrana Arango, deputeti i CDU në Gjermani, Peter Beyer dhe deputeti grek Vassilios Giogiakas, të cilët shprehën mbështetje për fuqizimin e opozitës në Shqipëri, ndërkohë që në sallë nuk mungonin as të ftuar të tjerë ndërkombëtarë.