Një aktivist për të drejtat e njeriut. Një çift që ka punuar për vite të tëra në fshehtësi. Dy gazetarë amerikanë. Djali i një ligjvënësi rus. Lista e personave të liruar më 1 gusht gjatë një këmbimi të të burgosurve nga disa shtete mban numrin më të madh të të liruarve të këtij lloji që nga Lufta e Ftohtë. Por kush janë ata? Evan Gershkovich, gazetar i Ëall Street Journal, u shpall fajtor për spiunazh dhe u dënua me 16 vite burg nga një gjykatë në Moskë. Aktivisti opozitar dhe ish-gazetari, Vladimir Kara-Murza, u ka mbijetuar dy sëmundjeve pothuajse fatale, që autoritetet amerikane i kanë cilësuar si “helmime të qëllimshme”. Kundërshtimi i tij për pushtimin rus të Ukrainës çoi në dënimin e tij me 25 vjet burgim nën akuzat për tradhti. Alsu Kurmasheva, redaktore e Shëbimit Tatar-Bashkir të Radios Evropa e Lirë në Pragë, u arrestua nga autoritetet në qershor të vitit 2023, teksa po vizitonte familjarët e saj në rajonin rus të Tatarstanit.