Ministria e Bujqësisë pranon se Komisioni Europian ka pezulluar fonde për bujqësinë shqiptare, por thotë se bllokimi prekt faturën aktuale të rimbursimit dhe nuk cenon programin mbështetës të qeverisë për fermerët. Sipas Ministrisë, ky është një proces krejtësisht administrativ që lejon riverifikimin e sistemeve të kontrollit nga strukturat e akredituara të cilat do të marrin masat e nevojshme me qëllim vijimin normal të rimbursimit nga BE. Keto janë procedura normale të Bashkimit Europian në kushtet kur ka nevojë të verifikohen shpenzime të dyshuara për aktivitet jo konform rregullave të përcaktuara. Në reagimin e Ministrisë së Bujqësisë thuhet se të gjithë strukturat shqiptare janë në bashkëpunim dhe në koordinim të vazhdueshëm me zyrën e OLAF dhe DG AGRI duke ofruar transparencë të plotë, sikurse kanë vepruar nga dita e parë e akreditimit, të të gjithë proceseve kontrolluese, hetuese dhe administrative të ndjekura deri më sot apo që mund të aktivizohen në të ardhmen.