Komisioni Evropian filloi sot procedurat ligjore kundër Gjermanisë, në mënyrë që të hetojë nëse një gjykatë gjermane shkeli rregullat e BE-së kur sfidoi skemën e Bankës Qendrore Evropiane në lidhje me blerjen e bonove të qeverisë, edhe pse ishte aprovuar më parë nga Gjykata Evropiane e Drejtësisë. Komisioni Evropian i ka dërguar një letër Gjermanisë, duke informuar Berlinin për të hetuar nëse vendimi i gjykatës gjermane shkel rregullat e BE. Letra është vetëm faza e parë në proces. Në një fazë të dytë, Komisioni mund t’i kërkojë Gjykatës Evropiane të Drejtësisë të vendosë ndëshkime. Një gjykatë gjermane vendosi që programi stimulues i Bankës Qendrore Evropiane, i miratuar nga qeveria gjermane, është pjesërisht në kundërshtim me kushtetutën e Gjermanisë. Një vendim i tillë bie në kundërshtim me vendimin e Gjykatës Evropiane të Drejtësisë, e cila deklaroi më parë se programi i blerjes së bonove, me vlerë disa miliardë euro, është në përputhje me ligjin e BE-së.