Përpara atentatit të së shtunës ndaj ish presidentit Donald Trump, ka pasur raste të shumta të dhunës politike që kishin në shënjestër presidentët amerikanë, ish-presidentët dhe kandidatët presidencialë të partive kryesore. Abraham Lincoln ishte presidenti i parë që u vra, i qëlluar nga John Ëilkes Booth më 14 prill 1865, ndërsa po ndiqte një shfaqje në teatrin Ford në Uashington. James Garfield ishte presidenti i dytë që u vra, gjashtë muaj pasi mori detyrën. Ai ndodhej në një stacion treni në Uashington më 2 korrik 1881, kur u qëllua nga atentatori Charles Guiteau. Ëilliam McKinley, presidenti i 25-të, u qëllua pasi mbajti një fjalim në Buffalo të Nju Jorkut, më 6 shtator 1901. Ai po shtrëngonte duart me mbështetësit kur një burrë u afrua dhe e qëlloi dy herë në gjoks. Franklin D. Roosevelt, presidenti i 32-të, sapo kishte përfunduar një fjalim në Miami, kur u dëgjuan të shtëna me armë zjarri