Katari është eksportuesi kryesor në botë i gazit natyror të lëngshëm. Megjithatë, prej disa javësh tashmë vendi po kërkon fatin diku tjetër: te diamantet. Kontrasti është pothuajse surreal, por tregon shumë për gjendjen e ankthit me të cilën përballet një nga monarkitë më të pasura në botë. Më 27 korrik, Autoriteti i Zonave të Lira të Katarit përuroi Bursën e Diamanteve, një treg i rregulluar për blerjen, shitjen, certifikimin dhe ruajtjen e diamanteve, i vendosur në Zonën e Lirë Ras Bufontas, pranë Aeroportit të Dohas. Objekti ofron një sallë tregtimi, kasaforta dhe një kalendar ankandesh që synon të lidhë prodhuesit nga Afrika dhe Azia me blerësit nga Evropa dhe Gjiri. Në letër, duket një projekt ambicioz: Katari synon të bëhet, brenda pak vitesh, një qendër kryesore për tregtinë e gurëve të çmuar, sic është Antëerpi ose Dubai aty pranë.