Katari po ndërmjetëson negociatat mes Izraelit dhe Hamasit për lirimin e mundshëm të 10-15 pengjeve që mbahen në gaza, në këmbim të një armëpushimi të shkurtër, tha një burim i afërt me bisedimet për agjencinë e lajmeve AFP, të mërkurën. “Negociatat e ndërmjetësuara nga katari, në koordinim me SHBA po vazhdojnë me qëllim që të sigurohet lirimi i 10 deri 15 pengjeve në këmbim të një ose dy ditëve armëpushim”, tha burimi duke folur në kushte anonimiteti. Luftimet janë ndezur në gaza prej një muaji, pasi grupi militant palestinez sulmoi në mënyrë të beftë izraelin, më 7 tetor, duke vrarë më shumë se 1400 persona e duke marrë mbi 240 pengje. Në Gaza, 10,569 persona, pjesa më e madhe civilë, janë vrarë në fushatën izraelite që pasoi. Katari është angahzuar tani në një diplomaci intensive për të siguruar lirimin e pengjeve që mbahen nga hamasi dhe javët e shkuara ka negociuar lirimin e katër pengjeve, dy izraelitë dhe dy amerikanë. Emirati i pasur i gjirit ka qenë një mbështetës i flaktë i kauzës palestineze dhe ka kanale të hapura komunikimi me hamasin, sundimtarët islamikë të gazas. Katari që mban edhe bazën më të madhe ushtarake amerikane në lindjen e mesme, mban po ashtu edhe zyrën politike të hamasit dhe është rezidenca kryesore e liderit të tij në azil, Ismail Haniyeh. Një ditë më parë ndërkohë, mediat e huaja kishin folur për një kërkesë të presidentit amerikan Joe Biden, drejtuar kryeministrit izraelit, benjamin netanjahu, për një armëpushim të shkurtër që do të ndihmonte në lirimin e disa pengjeve.