Koronavirusi i ka marrë jetën atij që njihet si kasapi i Yorkshire. Peter Sutcliffe, një ish shofer kamioni nga Bradfordi, është ndarë nga jeta në moshën 74 vjecare në spital, ku thuhet se kishte refuzuar trajtimin për covid 19. Vrasësi serial po kryente dënimin me burg të përjetshëm për vrasjen e 13 grave në Yorkshire dhe anglinë veri perëndimore ndërkohë që u gjet fajtor edhe për vrasjen e mbetur në tentativë të shtatë grave. Ai u dënua në 1981 dhe qëndroi për tre dekada në një spital para se të transferohej në burg në kontenë e durhamit në 2016. Vrasjet, që u kryen në harkun kohor të pesë viteve, nga 1975 deri në 1980, nisi me një 28 vjecare, nënë e katër fëmijëve, që u godit me cekic dhe u qëllua me thikë 15 herë në tetor 1975. Sutcliffe dha intervista nëntë herë gjatë vijimit të një hetimi të stërmadh, por vazhdoi të evitonte arrestimin dhe të vazhdonte vrasjet. Sutcliffe u quajt kasapi i Yorkshire sepse ai i gjymtonte trupat e viktimave të tij. Ai besonte se ishte në një mision nga zoti për të vrarë prostitutat edhe pse jo të gjitha viktimat e tij ishin të tilla. Pamjet: AFP